طالبلرنینگ طبيعي آفتلر بیلن کورهش ملي ادارهسینینگ معلوم قیلیشیچه، جاري قویاش ییل باشیدن بویان حاضرگچه۷۵ کیشی سووگه چۉکیب هلاک بۉلگن، ینه ۳ یرهلنگن.
اوشبو اداره سۉزلاوچیسی محمد یوسف حماد ویدیو بیر پیامده ایتیشیچه، قربانلر آرهسیده ۴۱ باله، ۷ عیال و ۲۷ اېرکک بار.
اوشبو آمار۱ حملدن ۱۵ جوزاگچه بۉلگن دورنی، یعنی ۱۴۰۵ ییلنینگ دستلبکی ایکّی یریم آیینی قمرهب آلهدی.
رقملر شونی کۉرسهتهدیکی، اۉتگن ایکّی یریم آی دوامیده اۉرتهچه هر کونی بیر کیشی سووگه چۉکیش عاقبتیده حیاتدن کۉز یومگن.
محمد یوسف حماد مملکت یشاوچیلریدن سېل، بۉران و کۉل، سوو انبارلری همده دریالردن اۉتیش پیتیده خوفسیزلیک قاعدهلریگه قطعي عمل قیلیشنی سۉرهدی.
قربان هییتی کونلریده هم سوو انبارلری و دریالرده بیر نېچته یاشلرنینگ چۉکیب کېتیش حالتلری قید اېتیلگن بۉلیب، اولر اساسن خوفسیزلیک قاعدهلریگه عمل قیلینمهگنی، سوزیشنی بیلمسلیک و سوو حوزهلری شرایطینی یخشی بیلمسلیک سببلی وفات اېتگن.
