افغانستانده بیرلشگن ملتلر تشکیلاتینینگ نمایندهلیگی یا ده «یوناما» بوگون سهشنبه ۲۶ – جوزا بیر بیانات اعلان قیلیب، بو ادارهنینگ ینگی اۉرین باسری برونو لمارکی، کابل کېلیب، اۉز ایشیگه باشلهگنیدن خبر بېردی.
یوناما تامانیدن نشر اېتیلگن بیاناتده، لمارکی بیرلشگن ملتلر تشکیلاتی باش کاتبی آنتونیو گوترش تامانیدن اوشبو لوازمگه تعیینلنگن بۉلیب، او افغانستانده بیرلشگن ملتلر تشکیلاتیگه تېگیشلی انسانپرورلیک و رواجلنیش ایشلرینی باشقیریشی بیلدیلریلگن.
دېیرلی برونو لمارکی، یوناماده اندریکا راتواته اۉرنیده تعیینلنگن.
ایتیلیشیچه اصلی فرانسهلیک بۉلگن لمارکی بوندن آلدین، بیرلشگن ملتلر تشکیلاتی چوکاتیده، کنگو، هاییتی، سومالیا، باسیب آلینگن فلسطین یورتلری و کمبودیا مملکتلریده فعالیت قیلگن.
یوناما بو رسمیسی شوندهی بیرحالده ایشگه باشلهماقده دیر که اۉتگن کون یونامانینگ افغانستاندهگی ماموریتی ینه بیر ییلگه قدر اوزهیتیریلدی.
بیرلشگن ملتلر تشکیلاتینینگ خوفسیزلیک کېنگشی تامانیدن یوناما فعالیتی اوزهیتیریلیشی اوچون قبول قیلینگن قطعنامهده یونامادن افغانستانده انسان حقلری احوالینی کوزهتیش، انسانپرورلیک یاردملرنی یېتکزیش، افغانستان اقتصادیاتی رواجلنیش اوچون سعیوحرکت قیلیشی و کینگ قمراولی حکومت تشکیل اېتیلیشیگه حرکت قیلیشی بیلدیریلگن.
