شانگهای همکارلیکلر تشکیلاتینینگ اعلام قیلیشیچه، بو تشکیلات وکیللری بیرلشگن ملتلر تشکیلاتی وکیللری بیلن ییغین اۉتکزیب، افغانستان برقرارلیگی و اۉرته آسیا خوفسیزلیگیگه عاید موضوعلر حقیده صحبتلشگن.
اوشبو اوچرهشوو اۉتگن کون شنبه، ۶ – سرطان، نیویارکده بیرلشگن ملتلر تشکیلاتینینگ قرارگاهیده اۉتکزیلگن.
شو بیلن بیرگه، ایکّی تشکیلات وکیللری اۉز-ارا همکارلیکلر یوزهسیدن هم فکر المشتیرگنی معلوم قیلینگن.
شانگهای همکارلیکلر تشکیلاتی تامانیدن نشر اېتیلگن بیاناتده، بو تشکیلات قرغیزستاننینگ بېشکیک شهری میزبانلیگیده اۉتکزیلیشی رېجهلشتیریلهیاتگن بو تشکیلات رهبرلرینینگ کېلگوسی ییغینی حقیده هم بیرلشگن ملتلر تشکیلاتی وکیللریگه معلومات بېرگنی قۉشیمچه قیلینگن.
ایتیش کېرهک که افغانستانده طالبان حاکمیتی دوامی اېتر اېکن بو مملکتده تینچلیک و برقرارلیک خواطرلری چوقورلشگن و بو اېسه دنیا مملکتلرینینگ افغانستاندن بۉلگن جدّی تشویشیگه سبب بۉلگن.
