آزادلیک جبههسی بیر بیانات ترقهتیب اعلام قیلیشیچه، قندوز شهریده طالباننینگ کوچلریگه قرشی هجوم اویوشتیرگن.
اوشبو جبهه تامانیدن نشر اېتیلگن بیاناتگه کۉره، بو هجوم اۉتگن کېچه ساعت ۸:۳۰ اطرافیده اویوشتیریلگن بۉلیب، نتیجهده طالبان کوچلریدن ایکّی کیشی جان بېرگن و ینه بیر کیشی یرهلنگن.
آزادلیک جبههسی، ایکس صحیفهسیده بو هجومدن ویدیو هم ترقهتگن.
ایتیلیشیچه اوشبو هجوم، قندوز شهرینینگ کارته آریانا حدودیگه تېگیشلی کابل بندری قسمتلریده اویوشتیریلگن.
هجومده، طالباننینگ شهری گزمه کوچلری نشانگه توتیلگن.
طالبان حاضرگچه بو هجوم خصوصیده هیچ قندهی مناسبت بیلدیرگن اېمس.
بو شوندهی بیر حالده دیر که آزادلیک جبههسی بوندن آلدین هم افغانستاننینگ کۉپلب حدودلریده هجوملریدن خبر بېرگن. بیراق طالبان بو هجوملر خصوصیده سکوت سقلب کېلماقده دیر.
