آذربایجان ملی گیلم موزییده بیرینچی تورکالوگیه قورولتاینینگ 100 ییللیگیگه بغیشلب “تورک دنیاسی هفتهلیگی” دایرهسیده “مدنیت خزینهسی: دیوان لغاتالترک: کۉرگزمهسی نینگ آچیلیش مراسمی بۉلیب اۉتدی، دېب بېللی قیلدی آذرتاج آژانسی.
ملی گیلم موزیی دایریکتری امینه ملیکووا کۉرگزمه آذربایجان مدنیت وزیرلیگی، تورکیه مدنیت و توریزیم وزیرلیگی، تورکی ملی تعلیم وزیرلیگی، یونس امره انستیتوتی، اولغونلاشما انستیتوتلری همده آذربایجان ملی گیلم موزیی همکارلیگیده تشکیل اېتیلگنینی تاکیدلهدی.
دایریکترنینگ ایتیشیچه، اوشبو کۉرگزمه تیل، تاریخ، صنعت و تعلیمنی بیرلشتیریب، مینگ ییللیک مدنی مېراثنی زمانهوی اولادلرگه یېتکزیشگه خدمت قیلهدی. اونینگ سۉزلریگه کۉره اثرلر، تشریفی بویروچیلرگه “دیوان الغاتالترک” اثریدهگی بای معنوی و مدنی قدریتلرگه ینگی قرهش بیلن باقیش، سۉزنینگ مینگ ییلدن آرتیق وقت دوامیده قدریتگه، قدریت نینگ عملگه، عمل نینگ اېسه مدنی دوامیلیککه ایلنیشی آقیمی کوزهتیش امکانینی بېرهدی. تورکیه ملی تعلیم وزیرلیگی نینگ حیات بویی تعلیم باش باشقرمهسی تصرفدهگی اولغونلشمه انستیتوتلر تمانیدن تیارلنگن اوشبو کۉرگزمه تورک مدنیت نینگ اېنگ مهم یازمه مېراث نمونهلریدن بیر بۉلگن “دیوان الغاتالترک” اثرینینگ زمانهوی بدیعی تلقینینی نمایش اېتهدی.
مدنیت وزیری مصلحتچیسی جهانگیر سلیم خانف کۉرگزمهنی تورک تیلی نینگ تاریخی ترقیاتی و بایلیگینی کۉرستیب بېرووچی مهم مدنی قیناق دېب بهالهیدی. او شوندهی دېدی: « تیل دایما یوکسلیب بارهدیگان تیریک تیزیم دیر و آذربایجان تیلی هم زمانهوی تورکی تیللر بیلن اۉزارا علاقهلر نتیجهسیده باییب بارماقده. “دیوان الغاتالترک” تورکی تیللرنینگ بایلیگنی عکس اېتیرووچی اېنگ قیمتلی قیناقلردن بیری دیر.»
یونس امره انستیتوتینینگ آذربایجاندهگی کوردیناتوری گوکهان سیهان کۉرگزمه عمومی تورکی مدنی میراثنی کۉرستیب بېریش نقطه نظریدن کتته اهمیتگه اېگه اېکنینی تاکیدلهدی. او تدبیر عینا ملی گیلم موزییده اۉتکزیله یاتگنینی علحیده قدرلهدی.
تورک تیل قورومی نینگ سابق باشلیغی، پروفیسور شکور هالوک اکالین کۉرگزمه اثرلر “دیوان الغاتالترک”دهگی سۉزلر، توشکونلر، مقالهلر و بای مدنی میراثدن الهاملنیب یرهتگنینی ایتدی.
اونینگ سۉزلریگه کۉره، تۉقووچیلیک، کشتهچیلیک، کلالچیلیک، یاغاچ و میتالگه ایشلاو بېریش صنعتیگه تېگیشلی نمونهلر قاره خانلیلر دوری معماری بېزهکلری اساسیده زمانهوی اسلوبده قیته ایشلنگن. شونینگدېک، سیاهدانلر، کتاب مقوالری، میناتوری صنعتی آرقهلی تصویرلنگن بالهلر اۉینلری، تۉی مراسملری، اوروش و ضیافت صحنهلری هم نمایش اېتیلماقده. اوشبو اثرلر تورکی خلقلرنینگ تاریخی-مدنی اېسدهلیگی، عمومی قدریتلری و اجتماعی حیاتینی بدیعی واسطهلر آرقهلی تشریف بویروچیلرگه یېتکزهدی.
تورکیه جمهوریت ملی تعلیم وزیرلیگینینگ حیات بۉیی تعلیم باش وزیری باشقرمهسی لایحه متحصصی دیلی ناکیش آذربایجانده اۉتکزیلهیاتگن اوشبو لایحهده قتنشووچیلردن فخرلنیشینی بیلدیردی.
آذربایجان ملی مجلس نمایندهسی حکمت بابا اۉغلی اېسه “دیوان الغاتالترک” تورک دنیاسی نینگ عمومی تیل و مدنیت خزینهسی اېکنینی تاکیدلهدی.
تدبیر بدیعی دستور بیلن دوام اېتدی. آذربایجان ملی کنسرواتوارنینگ عاشیقلر جماعهسی موسیقه چیقیش قیلدی. شوندن سۉنگ مهمانلر کۉرگزمه بیلن تانیشتدیلر.
کۉرگزمه 13-جولایگچه دوام اېتهدی.
