محلي منبعلر یېتکرمهلرگه معلوم قیلیشیچه، زابل ولایتینینگ سيوري اولسواللیگیده سابق حربي نامعلوم شخصلر تامانیدن اۉلدیریلگن.
محلی بیر منبعگه اساسلنیب نشر اېتیلگن خبرلرگه کۉره، اۉلدیریلگن حربی 38 یاشلی «سیدجان» بۉلگن.
سیدجان سهشنبه آقشامی (16-سرطان) سيوري تومنی نینگ “لای شار” حدودیده اۉلدیریلگن. ایتیلیشیچه، اونینگ جسدی تاپیلگچ، اوّل بۉغیب اۉلدیریلگنی، سۉنگره پیچاق ضربهلری بیلن تنهسیگه جراحتلر یېتکزیلگنی انیقلنگن.
یېتکیرمهلر خبرلریده، سیدجان سابق جمهوریت دوریده پولیس خادیمی بۉلیب خدمت قیلگنی هم قوشیمچه قیلینگن.
شونینگدېک، جمهوریت حکومتی قولهگنیدن سۉنگ سیدجان تکسی هیداوچیسی بۉلیب ایشلهگن دېب هم قید اېتیلگن.
زابلدهگی محلي طالبان وکیللری حاضرچه اوشبو حادثه یوزهسیدن هېچ قندهی معلومات بېرمهگن.
سیدجان نینگ قاتللری حاضرچه انیقلنمهگن بۉلسه-ده، سابق حربي خدمتچیلرنی اۉلدیریشده اساسي گماندار صفتیده طالبان تیلگه آلینماقده.
