افغانستان تورلی حدودلری اهالیسی شکایتلریگه اساسلنیب نشر اېتیلگن خبرلرگه کۉره، سونگّی کونلرده مملکتده تیل و گاز نرخی خواطرلی درجهده یوقاری کېتگن.
خبرلرگه کۉره، ایلگری بیر کیلوسی ۶۴ افغانی ساتیلگن گاز و بیر لیتری ۷۳ افغانی ساتیلگن دیزل اېسه، سونگّی کونلرده ۷۵ – ۸۰ افغانیگه یقینلشگن.
بو حالت، نهفقط اهالینی اوچون یاقیلغی تیارلشده معما بیلن دوچ قیلگن بلکه هیداوچیلیک کبی کسبلرده هم آغیر سایه تشلهگن.
اوشبو وضعیتدن نشر اېتیلگن خبرلرده اهالی، تیل و گاز نرخی یوقاری کېتیشی سبب عایدلری سیزیلرلی درجهده آزهیگنینی بیلدیرگن.
افغانستان اهالیسی بو وضعیت بیلن شوندهی بیرحالده دوچه کېلماقده دیر که طالبان حاکمیتگه قیتگنیدن بیری، اقتصادی باسیملر و ایشسیزلیکلر خواطرلی بیر درجهده آشگن.
خلقارا تشکیلاتلر معلوماتلریگه کۉره، حاضرده افغانستان جمعیتیدن یریمیدن آرتیغی انسانپرورلیک یاردملرگه محتاج.
