منبعلرنینگ اۉزبېک تیوی گه تصدیقلهشیچه، فاریاب ولایتی خواجهسبزپوش اولسواللیگینینگ بایقیزی قیشلاغیدن بۉلگن ایکّی یاش-ییگیت، ایرانده محنت پیتیده وفات اېتگن.
منبعلر معلوماتیگه کۉره، بو ییگیتلر ایشلهیاتگن بنالریدهگی دیوار چوکیب کېتیشی عاقبتیده جان بېرگن.
بوحقده اۉزبېک تیوی منبعلری، اوشبو ییگیتلردن فیضالله و سخیمحمد دېب آت توتهدی.
منبعلرنینگ ایتیشیچه، فیضالله یالغیز ۱۸ یاشیده اېکن که ایرانده ایش وقتیده قربان بۉلگن.
شونینگدېک، منبعلر سخیمحمد ناملی ییگیت هم یقینده جان بېرگنینی اَیتماقده.
فاریابلیک بو ییگیتلر، ایشسیزلیک و قشّاقلیک سبب بیر نیچه مدتدن بویان ایران باریب، محنت قیلماقده اېکن.
ایتیش کېرهک که افغانستانده کوچهییب بارهیاتگن قشّاقلیک و ایشسیزلیک کۉپلب یاش-ییگیتلرنی شوندهی آغیر تقدیر بیلن دوچ قیلگن.
بوندن آلدین هم، ایرانده افغانستانلیک یاش-ییگیتلر اینیقسه فاریاب یشاوچیسی شوندهی واقعهلرده جان بېرگن اېدی.
