بدخشان ولایتینینگ یفتل اولسواللیگی بیر نیچه ساعت «وطن سپاهیلری» دېب اعلام اېتیلگن طالبانگه قرشی قوراللی گروه اختیاریگه اۉتگنی، کېنگ مناسبتلرنی اۉرتهگه آلیب کېلگن.
اوشبو مناسبتلر دوامیده، تانیقلی سیاستچی و سابق دیپلومات سردارمحمد رحماناۉغلی جنابلری فیسبوک صحیفهسیده یازگن بیاناتیده بو حقده اۉز فکرینی بیلدیرگن.
جناب رحماناۉغلی، بدخشانده طالباننینگ قوماندانی جمعه خان فاتحدن اېسلب، وطن سپاهیلری جبههسی بوندهی ساخته کتّه کۉرسهتیلمهی حقیقتده، طالبانگه قرشی چیققن حقیقی سپاه بۉلیشیگه امید بیلدیرگن.
شو بیلن بیرگه، سابق حکومت رسمیلریدن فرید حمیدی هم بو خصوصده مناسبت بیلدیرر اېکن، یفتل اولسواللیگی قولهشی، طالباننینگ تۉلیق حاکمیتی و مغلوبیتگه اوچرهمهیدیگن دېگن سۉزلرینی سیندیردی دېب بیلدیردی.
شو بیلن بیرگه، کۉپلب باشقه سیاسی و مدنی فعاللر بو خصوصده اۉز مناسبتلرینی بیلدیرگن.
ایتیش کېرهک که وطن سپاهیلری گروهی طالبانگه قرشی ینگی حربی گروه بۉلیب، پنجشنبهدن جمعهگه اۉتر کېچهسی یفتل اولسواللیگینی بیر نیچه ساعت طالبان اختیاریدن آلگن اېدی.
