طالبان ساغلیقنی سقلش وزیرلیگی، اوشبو وزیرلیک اۉرینباسری حمدالله زاهد، بیر هیات باشچیلیگیده اۉزبېکستانگه سفر قیلیب، بو مملکت ساغلیقنی سقلش وزیرلیگی اۉرینباسری عبدالله عزیزوف بیلن اوچرهشگنیدن خبر بېردی.
اوچرهشووده،ایکّی تامان ساغلیق ساحهسیدهگی همکارلیکلر خصوصیده فکر المشتیرگن.
طالبان ساغلیقنی سقلش وزیرلیگی بیاناتیده، اوچرهشووده دارو و طبی جهازلر حقیدهگی همکارلیک و سوداگرلیک آشیشی خصوصیده بحث اېتیلگنی قید اېتیلگن.
شونینگدېک طالبان، اۉزبېکستاندن بو ساحهدهگی تجربهلرینی افغانستان بیلن شریک قیلیشینی سۉرهگن.
ایتیش کېرهک که طالبان بیلن پاکستان اۉرتهسیده دارو سوداسی تۉختهتیلگنیدن سونگ، طالبان اۉزبېکستان دارو بازاریگه دقت قیلماقده دیر.
