طالبان معارف وزیرلیگینینگ اعلام قیلیشیچه، جوزجان ولایتیده بیر موسسه مالی همکارلیگی بیلن تۉرت مکتب بناسینینگ قیته قوریش و توزاتیش ایشلری باشلنگن.
بوحقده نشر اېتیلگن معلوماتده، اوشبو لایحهلر اوچون توپلم حالده ۹ میلیون افغانی بودجه نظرده توتیلگنی بیلدیریلگن.
ایتیلیشیچه، بو بودجه معارف ساحهسیده فعال تشکیلاتلردن بیری تامانیدن تامینلنهدی.
طالبان معارف وزیرلیگی بو لایحهلر عملگه آشیریلیشی بیلن ۱۵۰۰ بالهگه یخشی اۉقیش شرایطلری یرهتیلیشینی هم معلوم قیلگن.
ایتیش کېرهک که مکتبلرنینگ معیاری بناسی یۉقلیگی و طالبان و سابق حکومت اوروشی نتیجهسیده بوزیلگن بنالر قیته قوریلمهگنی شکایتلرگه سبب بۉلیب کېلماقده دیر.
