بدخشانده طالبانگه قرشی حربی حرکتلر دوام اېتر اېکن، اۉتگن کېچه طالبان و اونگه قرشی قوراللی گروهلر اۉرتهسیده اوروش و تۉقنهشوولر یوز بېردی.
منبعلرنینگ اۉزبېک تیوی گه ایتیشیچه بو تۉقنهشوولر اۉتگن آقشم باشلنیب کېچه یریمیگچه دوام اېتگن.
ایتیلیشیچه اوروش اساسا بدخشان ولایتی زیباک اولسواللیگیگه قرهشلی قیلیچ و تۉپخانه حدودلریده بۉلگن.
بو تۉقنهشوولر عاقبتیده، طالباننینگ بیر قنچه اعضالری اۉلیب و یرهلنگن
حاضرگچه منبعلر، بو تۉقنهشوولرده طالباننینگ فریدالله وحدت ناملی بیر اعضاسی جان بېرگنی انیقلنگنی ایتهدی.
شونینگدېک، تصدیق اېتیلمهگن خبرلرگه کۉره، بو اوروش و تۉقنهشوولرده طالباننینگ ینه بیر قنچه اعضاسی هم اۉلدیریلگن.
بو اوروشده انیق قیسی گروهلر اشتراک اېتگنی بو خبر یازیلیشیگچه بیللی اېمس اېدی. بیراق بعضی-بیر منبعلر اوروشده ینگی تشکیل اېتیلگن وطن سپاهیلری گروهی و آزادلیک جبههسی اشتراک اېتگنینی اَیتهدی.
بو شوندهی بیرحالده دیر که یقینده بدخشانده، یفتل اولسواللیگی هم بیر نیچه ساعت طالبان نظارتیدن آلینگن اېدی.
