طالبان رهبری هبتالله آخوندزاده، آلتی بنددن عبارت بیر فرماننی ترقهتیب، دولت ادارهلریده سقَال قۉییب، سَله کییمهگن خادملر، تعزیری جزا بیلن دوچ کېلیشیگه بویروغ بېرگن.
اۉزبېک تیوی اختیاریده قرار تاپکن اوشبو فرمانده، طالبان رهبری دولت ادارهلریده بو گروهنینگ امر باالمعروف و نهی عن المنکر قانونی یخشیلب عملگه آشیریلمهگنلیگیدن تنقید قیلیب، خادملر معاشلری آزهیتیریلیشی، ایش بستلری آلینیشی و ایشدن بوشهتیلیشی بیلن جزالنیشینی بویروغ بېرگن.
فرمانده، طالبان رهبری صورت و سیرتی سنت اساسیده بۉلمهگن خادملر ایشدن بوشهتیلیشی کبی جزا بیلن جزالنیشینی بویورگن.
هبتالله آخوندزاده شونینگدېک، دولت ادارهلری خادملری جماعت نمازیده اشتراک اېتیشی، اونینگ حکومتیدن اطاعت اېتیش و اهل سنت و الجماعت عقیدهلری اساسید بۉلگن درسلرگه قتنهشیشی ضرور دېب بیلدیرگن.
طالبان رهبری شونینگدېک، بو چیکلاولر طالبان نظارتیده بۉلگن چیتاېل مملکتلریدهگی افغانستان دیپلوماتیک نمایندهلیکلریده هم عملگه آشیریلیشی شرط دېب بویورگن.
