بیرلشگن ملتلر تشکیلاتینینگ بالهلر جمغرمهسی (یونیسف) باميان و دایکندی افغانستانده آچیق جایلرده حاجت چیقریشدن خالی بۉلگن ایکّی ولایتگه ایلنگنینی معلوم قیلدی.
یونیسفنینگ افغانستاندهگی نمایندهلیگی مسوولی تاجالدین اویواله دوشنبه کونی ( ۱۹اسد) ایکس اجتماعي ترماغیده نشر قیلگن پیامیده دایکندی جاري ییلده بامياندن کېین آچیق جایلرده حاجت چیقریشدن خالی بۉلگن افغانستاندهگی ایکّینچی ولایتگه ایلنگنینی یازگن.
تاجالدین اویوالهنینگ یازیشیچه، حاضر دایکندینینگ تۉقّیز تومنیده۶۲۷مینگ کیشی بهداشتی خدمتلریدن فایدهلنیش امکانیگه اېگه. بو بالهلر اوچون ساغلام جمعیت شکللنیشیگه خدمت قیلهدی.
اوّلراق باميان افغانستان مقیاسیده اېنگ تازه ولایت صفتیده اعتراف اېتیلگن اېدی. ۲۰۱۸-ییلده یریم میلیوندن آرتیق اهالیگه اېگه باميان افغانستانده آچیق جایلرده حاجت چیقریشدن خالی بۉلگن بیرینچی منطقهگه ایلنگن.
