یقین شرق حدودیده، اوروش و تۉقنهشوولر دوام اېتر اېکن، اخیرگی کونلر ایچیده، دنیا عاموې اخبارات واسطهلرینینگ اعتباری، تورکیه و اسراییل اۉرتهسیدهگی قرهمه-قرشیلیکلرگه قرهتیلگن.
اوشبو قرهمه-قرشیلیکلر، اسراییل نینگ سوریهدهگی حربی بَزهلردن بیریگه قرشی اویوشتیریلگن هجومدن سونگ جدّیلشگن و بو هجوم آرتیدن، تورکیه حکومتی، اسراییل باش وزیری بنیامین نتنیاهونینگ غزهده قیرغین قیلیشگه حرکت قیلگنلیک و غزهگه یوباریلگن انسانپرورلیک یاردملری کاروانیگه هجوم قیلیشده عیبلب، نتنیاهو اوچون خلقارا حبسگه آلیش قرارینی اعلام قیلگن.
شو بیلن بیرگه، اسراییل باش وزیری بنیامین نتنیاهو، تورکیه جمهور باشلیغی رجب طیب اردوغانگه قرشی بیاناتلر بیریب، اردوغاننی یهودلرگه نسبتن ضدیتده قۉل اۉرهیاتگلیکده عیبلگن.
بو شوندهی بیرحالده دیر که اسراییل و تورکیهنینگ مناسبتلری، غزه اوروشی جدّیلشگنیدن سونگ کېسکینلشگن و بوندن آلدین هم ایکّی تامان بیر-بیراویگه قرشی آگاهلنتیرووچی سۉزلرنی ایشلهتگن.
تورکیه و اسراییلنینگ بو جنجللری شوندهی بیرحالده دیر که بو ایکّی مملکت هم امریکا قوشمه ایالتلری بیلن یخشی مناسبتده بۉلیب کېلماقده. بیراق امریکا رسمیلری حاضرگچه تورکیه و اسراییل تارتیشوولری تۉغریسیده بیران مناسبت بیلدیرگن اېمس.
شو وضعیت دوامیده، اسراییل و تورکیه تارتیشوولری کېنگهیشی و یقین شرقده ینه بیر اوروش یوز بېریشی ممکنلیگی حقیده فکرلر اۉرتهگه کېلماقده. بو خواطرلر شوندهی بیرحالده دیر که تورکیه، اسراییل اوستیدهگی تاثیرلی مملکت بۉلگن امریکا قوشمه ایالتلری بیلن یخشی مناسبتگه اېگه بۉلیشیدن تشقری، دنیانینگ ییریک حربی کېلیشووی تشکیلاتلری بۉلمیش «ناتو خوفسیزلیک تشکیلاتی» اعضاسی هم دیر.
بونگه قوشیمچه، تورکیه یقینده خوفسیز و مدافعه همکارلیکلر کوچهیشیگه قرهتیلگن پاکستان و سعودی عربستان بیلن «مکه بیتیمی»نی هم امضا قیلدی.
دېیرلی، ناتو اعضاسی بۉلگن و اۉزینینگ کوچلی اوردوسیدن تشقری مکه بیتیمی کبی کېلیشوولرگه اېگه بۉلگن تورکیهگه هجوم قیلیش، اسراییل اوچون ایرانگه هجوم قیلگندیک قولهی بیر تنلاو اېمسلیگی هم انیق بیر موضوع دیر.
اېسلش لازم که اسراییل و تورکیه رسمیلری اخیرگی ییللرده کۉپلب مراتبه بیر-بیراویگه قرشی سۉزلرنی تیلگه آلگن بیراق بو بیاناتلر حاضرگچه ایکّی تامان تۉغریدن-تۉغری اوروش و تۉقنهشووگه سبب بۉلمهگن.
