آلمان یېتکرمهلرینینگ خبر بېریشیچه،۳۰ نفر افغانستانلیک مهاجر چارتر پرواز آرقهلی لایپزیگ قۉنالغهسیدن کابلگه آلیب کېتیلگن.
«بیلد» کوندهلیگینینگ خبریگه کۉره، اوشبو مهاجرلر بوگون، سهشنبه، ۳-سنبله کونی تانگده دیپورت قیلینگن.
اوشبو یېتکرمه خبریگه کۉره، مذکور پروازده جنایي تجربهگه اېگه بۉلمهگن اَیریم مهاجرلر هم بۉلگن و اولر مجبورن دیپورت قیلینگن.
مهاجرلرنی آلیب کېتهیاتگن اوچاق پروازیدن آلدین لایپزیگ قۉنالغهسیده بیر گروه مهاجرلر حقوقلری فعاللری ناراضیلیک نمایشی اۉتکزگن.
نمایشدن ترقهلگن ویدېولرده اولرنینگ «دیپورت قیلیش یۉق، مهاجرلرگه خوش کېلیبسیز!» دېیه شعارلر ایتهیاتگنی کۉرینهدی.
اولر آلمان حکومتی نینگ طالبلر باشقروویدهگی افغانستانگه مهاجرلرنی مجبورن دیپورت قیلیش سیاستینی قارهلب، بو جریاننی تۉختهتیشنی طلب قیلگن.
آلمان حکومتی طالبلر بیلن دیپلوماتیک علاقهلرنی یۉلگه قۉییب، اوشبو گروهنینگ ایکّی نفر دیپلوماتینی قبول قیلگنیدن سۉنگ افغانستانگه دیپورت قیلش جریانینی کوچهیتیردی.
دستلب فقط زۉرلش، قاتللیک، ملي خوفسیزلیککه تهدید و گیاهوند مادّهلر بیلن باغلیق جنایتلر کبی آغیر جنایتلر اوچون محکمه قیلینگن مهاجرلر دیپورت قیلینیشی رېجهلشتیریلگن اېدی. اما یقینده بېرلین جنایي ایش بۉییچه سودلنمهگن مهاجرلرنی هم دېپورت قیلیشگه قرار قیلدی.
