فرانسه یېتکرمهلرینینگ خبر بېریشیچه، مملکتنینگ شِمالی-غربیدهگی نورماندیده جمعیت آرهسیگه موتر بیلن باستیریب کیریلیشی عاقبتیده ایکّی کیشی افغانستانلیک هلاک بۉلگن، ینه تۉقّیز کیشی یرهلنگن.
«لوموند» نشری نینگ خبر بېریشیچه، پولیس اوشبو حادثه چهارشنبه کونی کېچقورون نورمانديده نینگ بندریده ماجرا آرتیدن صادر بۉلگنینی و اونینگ ترورچیلیک مقصدی بۉلمهگنینی معلوم قیلگن.
پولیسنینگ ایتیشیچه، گماندار کان بندریدهگی بارلردن بیرینینگ تشقریسیده بیر نېچه کیشی تامانیدن هجومگه اوچرهگچ، موتریگه قَیتگن، کان واکزالی قرشیسیدهگی اتوبوس یۉلهگیگه کیریب، بېکتده تورگن اېرککلر و باشقه آدملرگه اتهیلب موترنی هَیدهگن.
محلي دادستان ادارهسی حادثهده ترورچیلیک مقصدی یۉقلیگینی معلوم قیلگن. بیراق بو بارهدهگی تېرگاو اېندیگینه باشلنگن.
فرانسه رسميلریگه کۉره، گماندار مملکتده قانوني روشده استقامت قیلهدی، استخبارات خدمتلری بیلن علاقهسی بۉلمهگن و حاضرگچه جنایي تاریخگه اېگه اېمس.
پولیس اوشبو حادثهده۳۵ و۲۸ یاشلی ایکّی افغانستانلیک اېرکک هلاک بۉلگنینی تصدیقلهگن. جراحتلنگنلر نینگ یاشی۱۷ دن۳۵ یاشگچه بۉلیب، اولر آرهسیده فرانسه، مصر و بنگلهدیش وطنداشلری هم بار.
