بیرلشگن ملتلر تشکیلاتی باش کاتبینینگ خلقارا علاقهلر بۉییچه اۉرین باسری، ملیسا فلیمینگ، افغانستانده ساغلیق خذمتلری آغیر احوالده توشیب قالگنیدن خبر بېردی.
بیرلشگن ملتلر تشکیلاتینینگ بو رسمیسی ایکس صحیفهسیده یازیشیچه، حاضرده بودجه آزلیگی سببلی افغانستانده ۱۰۰ ته ساغلیق مرکزلری فعالیتی تۉختهتیلگن.
اوشبو مرکزلر توییب-آوقتلنمسلیککه چلینگن بالهلرنی دوالش بۉییچه فعالیت یوریتیب کېلگن اېکن.
شو بیلن بیرگه، ملیسا فلیمینگ، افغانستانده حاضر ۳.۷ میلیون باله آغیر توییب-آوقتلنمسلیک کسللیگی بیلن دوچ اېکنیدن هم خبر بېرگن.
اونینگ تاکیدلشیچه، بو بالهلر جملهسیدن بیر میلیونگه یقینینینگ احوالی اوته آغیر دیر.
