ایراننینگ شِمالیدهگی مازندان ولایتی بابلسر شهری ساحلیدهگی سوولرده اوچ نفر افغانستان وطنداشی چۉمِیلیش وقتیده چۉکیب، جان بېرگن.
بابلسر قوتقرووچیلر و غوّاصلر هیئتی رهبری مهدی حبیبالله پور «مِهر» اخبارات آژانسیگه ایتیشیچه، واقعه جمعه کونی (۶-سنبله) کېچقورون یوز بېرگن.
اونینگ ایتیشیچه: «افغانستان نینگ تۉرت وطنداشی چۉمِیلیش اوچون دېنگیزگه کیرگن اېدی. اولردن بیری جسماني حالتی سببلی قالگن اوچ کیشیدن آرتده قالیب کېتگن. بیرآز وقت اۉتگچ، او همراهلری نینگ جاییده یۉقلیگینی پَیقهگن و سوودن چیققچ، بو حقده قوتقرووچیلر هیئتیگه خبر بېرگن.»
اونینگ سۉزلریگه کۉره، حاضرگچه چۉکیب کېتگن ایکّی کیشی نینگ جسدی تاپیلگن و قانوني ترتیب-تنظیماتلرنی عملگه آشیریش اوچون ساووتگیچگه آلیب باریلگن. اوچینچی چۉکّن شخصنینگ جسدینی تاپیش بۉییچه قیدیروو ایشلری همان دوام اېتماقده.
