«افغانستان بیرلشگن جبههسی» قندهار ولایتیده اوشبو جبهه کوچلری تامانیدن اویوشتیریلگن هجومده طالبلر استخباراتینینگ بیر خادیمی اۉلدیریلگنینی معلوم قیلدی.
مذکور جبهه بوگون (دوشنبه، ۹-سنبله) اعلان قیلگن بیاناتیده اوشبو استخبارات خادیمی قندهارنینگ سپین بولدک اولسواللیگیدهگی «منار چارراههسی» منطقهسیده اۉلدیریلگنینی بیلدیرگن.
«افغانستان بیرلشگن جبههسی»گه کۉره، بو شخص قندهارنینگ سپین بولدک تومنیدهگی طالبلر علمالر کېنگشی نینگ نفوذلی اعضاسی هم بۉلگن.
«افغانستان بیرلشگن جبههسی» اوشبو طالبلر اعضاسی نینگ تۉپّانچهسی هم اونینگ کوچلری قۉلیگه توشگنینی معلوم قیلگن.
قندهاردهگی طالبلرنینگ محلي رسميلری حاضرچه بو بارهده ایضاح بېرمهگن.
«افغانستان بیرلشگن جبههسی» بوندن اوّل هم قندهارده طالبلرگه قرشی هجوملر اویوشتیریلگنی حقیده خبر بېرگن.
