نیمروزدهگی محلي منبعلرنینگ ایتیشیچه، بو ولایت نینگ دلارام اولسواللیگیده ایکّی یاش اېرکک نینگ جسدی تاپیلگن.
منبعلر نینگ یېتکرمهلرگه معلوم قیلیشیچه، «خالی نمرو» منطقهسیده، دلارام اولسواللیگی مرکزیده تیناوون (دوشنبه، 9-سنبله) توشدن کېین «ایمل خان» اسملی ییگیت نینگ جسدی تاپیلگن.
منبعلرگه کۉره، شو اولسواللیکده صادر بۉلگن شونگه اۉخشش حادثهده «قدرت الله» اسملی یاش اېرکک نینگ جسدی «بازار شاه» یقینیدهگی تېپهلیکدن تاپیلگن.
محلي منبعلردن بیری ایمل خان و قدرت الله «سِرلی طرزده» اۉلدیریلگنینی ایتدی.
نیمروزدهگی طالبلر نینگ محلي رسميلری حاضرگچه بو ییگیتلرنینگ اۉلدیریلیشی یوزهسیدن ایضاح بېرمهگن.
گرچه سِرلی قاتللیکلر بۉییچه ییللیک انیق آمار موجود بۉلمهسه-ده، سۉنگگی ییللرده افغانستان نینگ تورلی حدودلریدن هر هفته بیر نېچه سِرلی قاتللیک حالتی حقیده خبرلر ترقهلماقده. طالبلر اېسه اکثریت حاللرده بو ایشلرنینگ تېرگاوی و تقدیری حقیده اهالیگه هېچ قندهی معلومات بېرمهیدی.
