شانگهای همکارلیک تشکیلاتینینگ نوبتدهگی باشلیغی بۉلگن قرغیزستان پایتختی بېشکک شهری مېزبانلیگیده، بو تشکیلاتگه اعضا مملکتلر دولت رهبرلرینینگ ییغیلیشی بۉلیب اۉتدی.
اوشبو ییغیلیش، شانگهای تشکیلات ایجاد اېتیلیشی ۲۵ – ییللیگی بیلن بیر وقتده اۉتکزیلماقده دیر که بو قرغیزستاننینگ اوشبو ییغیندن تۉرتینچی دور مېزبانلیگی دیر.
شانگهای همکارلیک تشکیلاتی، منطقهدهگی مهم تشکیلاتلردن که اونینگ اۉن ته دایمی اعضاسی، چین، روسیه، هندوستان، ایران، پاکستان، اۉزبېکستان، قزاقستان، قرغیزستان، تاجیکستان و بلاروسدن عبارت دیر.
بوندن تشقری، مغولستان و افغانستان اېسه تشکیلاتنینگ کۉزهتووچی اعضالریدن بیراق طالبان حاکمیتیده بۉلگن افغانستاننینگ سیاسی انزواسی دوام اېتر اېکن بو ییغیندن غایب قالماقده.
ییغینده، اۉز-ارا همکارلیکلر، منطقه و دنیا وضعیتیگه عاید موضوعلر جملهدن افغانستان مسالهسی خصوصیده فکرلر بیلدیریلدی.
اوشبو ییغین یکونیده قۉشمه بیر بیانات قبول قیلینیشی هم کوتیلهدی.
ییغینده، چېگرهلردن تشقری بۉلگن خلقارا جنایتلرگه قرشی کورهش مقصدیده بیر مرکز قوریلیشی بۉییچه کېلیشوو امضالنگنی هم ایتیلهدی.
