طالبان تشقی ایشلر وزیری امیرخان متقی، بیرلشگن ملتلر تشکیلاتی باش کاتبینینگ سیاسی و تینچلیک مسالهلر بۉییچه اۉرینباسری، روزمری دیکارلو بیلن تلیفون آرقهلی صحبتلشگن.
طالبان تشقی ایشلر وزیرلیگی، بوگون یکشنبه، ۱۵- سنبله بیر بیانات ترقهتیب، بوحقده خبر بېردی.
طالبان و بیرلشگن ملتلر تشکیلاتی رسمیلری، ایکی تامان اۉرتهسیدهگی همکارلیکلر و دوحه ییغینی خصوصیده فکر المشتیرگن.
بو خصوصده تامانلر نیمه قرالرنی قبول قیلگنی حقیده هیچ نرسه دېیلمەگن طالبان تشقی ایشلر وزیرلیگی بیاناتیده.
ایتیش کېرەک که بیرلشگن ملتلر تشکیلاتی حاضرگچه طالباننی رسمی تن آلیب، اوشبو تشکیلاتدهگی افغانستان نمایندهلیگینی طالبانگه تاپشیریشگه تیار بۉلمهگن.
بوندن تشقری، بیرلشگن ملتلر تشکیلاتی تورلی حساباتلرنی ترقهتیش آرقهلی، طالبان حاکمیتیدهگی افغانستان وضعیتیدن خواطر هم بیلدیریب کېلماقده.
