امریکا قۉشمه ایالتلری بوندن بېش ییل آلدین افغانستاندن چیققنیدن سۉنگ، اۉزینینگ مهم حربی قرهمه-قرشیلیکلریدن بۉلمیش ایران بیلن اوروش و تۉقنهشوولرنی باشلهدی.
ایران و امریکا اۉرتهسیده بو اوروش شوندهی بیرحالده باشلندی که امریکا قۉشمه ایالتلرینینگ جمهور باشلیغی دونالد ترامپ، بو مملکتنینگ اخیرگی جمهورلیک ریاست سیلاوی کمپاینلریده، دنیادهگی اوروشلر و تۉقنهشوولرنی یکونلنتیریشیگه وعده بېرگن اېدی.
دېیرلی شوندهی بیر وعده بیلن سیلاوده غلبهگه اېریشیب ایکّینچی مرته امریکا جمهور باشلیغی لوازمینی اېگللهگن دونالد ترامپ، نهفقط اوروشلرنی یکونلنتیریشگه قادر بۉلمهدی بلکه ایران بیلن اوروشلرنی باشلب، یقین شرق حدودیده کېنگ کۉلملی ناتینچلیکلرنی هم کېلتیریب چیقردی.
رویترز نشری ترامپنینگ ایران بیلن باشلهگن بو اوروشی عاقبتلری حقیده قرهتیلگن سۉنگّی تحلیلی موضوعسیده بو اوروش دوامی، امریکا حکومتی، میلادی ۲۰۰۱ – ییلدن سۉنگ افغانستان و عراقده باشلهگن اوزاق مدتلی بیر اوروش خوفی بیلن دوچ اېکنینی یازگن.
ایران و امریکا اۉرتهسیدهگی اوروش تېزآرهده یکونلنهدیمی؟
امریکا و ایران اۉرتهسیده امریکا و اسراییلنینگ قۉشمه هجوملری بیلن باشلنگن اوروش و تۉقنهشوو کمیده آلتی آیدن بیری دوام اېتماقده. بو اوروش قچان یکونلنیشی و اوروشنی یکونلنتیریش اوچون انیق بیر اینتیلیش یۉق بۉلگن بیر وقتده، دونالد ترامپ ایران بیلن اوروش بو مملکت اۉرته سیلاولری اداغیگچه، یکونلنیشی ممکن دېب دعوا قیلگن.
خلقارا یېتکیرمهلر بوگون اېرتهلب نشر قیلگن خبرلریده، ترامپ بو مسالهنی ژورنالیستلر بیلن بۉلگن صحبتده تیلگه آلگن.
ترامپنینگ بو ادعاسی بیلن بیر وقتده، رویترز نشری تحلیلی بیر موضوع ترقهتیب، بو اوروش یقینده یکونلنیشی ممکنلیگی حقیده تحلیلچیلر فکرینی آلگن. اوشبو نشرنینگ بو تحلیلیده ایران بیلن بۉلگن اوروش امریکا حکومتی اینیقسه ترامپنینگ اۉرنیده کېلیشی ممکن بۉلگن امریکا کېلهسی دولت رهبرینی اوزاق مدتلی بیر اوروش خوفیگه دوچ قیلیب قۉیگنی تاکیدلنگن.
رویترز بو حقده شوندهی یازگن: « اېندی، امریکانینگ «تروریزمگه قرشی جهان اوروشی»نی باشلب بېرگن ۲۰۰۱-ییل ۱۱-سپتمبر اوروشیدن بیر عصرنینگ تۉرتدن بیر وقتی اۉتیب، ترامپ تحلیلچیلرنینگ فکریچه، اۉزی یوزهگه کېلتیرگن کوتیلمهگن اوروشگه ارهلشیب قالگن و بو اوروش اونینگ اوچون «چېکسیز اوروش»نینگ بیر کۉرینیشیگه ایلنیشی خوفی موجود.»
دیمک اوشبو تحلیلده فکر بیلدیرگن تحلیلچیلرنینگ تاکیدلشیچه، دونالد ترامپ، ۲۰۰۱ – ییلدن سۉنگ، قیته افغانستان و عراق ده باشلهگنی اوروشی کبی بو مملکت اوچون دواملی بیر اوروشنی باشلهمسلیگی کېرهک بۉلگن چېکلاونی سیندیریب، امریکانی ینه بیر کېنگ اوروش وضعیتی بیلن دوچ قیلگن.
ایران و امریکا اوروشی تقدیریگه افغانستان و طالبان سایهسی
یوقاریده اېسلب اۉتیلگن ایران و امریکا اوروشینینگ امریکانی دواملی افغانستاندهگی اوروشیگه تقّاسلهگندن تشقری رویترز تحلیلی موضوعسیده ایران نینگ اوروشنی دوام اېتتریش اوچون طالباندن اۉرنک آلگنی کېلتیریلگن.
بو حقده رویترز شوندهی دېب یازگن: «ایران افغانستاندهگی طالبان حرکتیدن اۉرنک آلیشی ممکن؛ بېش ییل اوّل امریکا قۉشینلرینینگ ترتیبسیز چیقیب کېتیشیدن سۉنگ ینه حاکمیتگه قَیتگن شو گروه واشینگتننینگ حربي کوچدهگی اوستونلیگیگه قرهمهی، قطعیتلی دشمن قرشیلیک کۉرسهتیب، برداش بېره آلیشینی، ایچکی باسیملر اېسه امریکانینگ قطعیتینی ضعیفلشتیریشی ممکنلیگینی کۉرسهتدی.»
شو اساسده بو نشر تحلیلیده، ایران، امریکاگه قرشی دواملی اوروشده تیّار بۉلیشی ممکن و بو اېسه ترامپ نینگ ادعاسیگه قرشی امریکانینگ کېلهسی سیلاولریدن سۉنگ هم دوام اېتیشی ممکن دېب هم بیلدیریلگن.
بوندن تشقری، امریکا، ایران بیلن بۉلگن اوروشده افغانستان و عراققه هجوم قیلیشی اوچون دنیا مملکتلری و امریکا خلقینینگ رضایتینی آلمهگنلیگی هم دنیا سطحیده امریکا اوشبو اعتبارسیزلیک و امریکا ایچکریسیده هم دونالد ترمپ اوچون قرشیلیکلرنی کېلتیریب چیقرگنی معلوم قیلینگن.
شو بیلن بیرگه، یقین شرقدهگی امریکا بیلن یخشی مناسبتده بۉلگن عرب مملکتلریگه هم اوروش کېنگهییب بو اوروش آغیرراق عاقبتلرگه اېگه اېکنی هم تاکیدلنگن.
منبع:
https://www.reuters.com/world/trumps-iran-campaign-echoes-post-911-forever-wars-2026-09-10/?utm_source=twitter&utm_medium=Social
