طالبلرنینگ کنر و ارزگان ولایتلریدهگی محلي رسميلری اوشبو ایکّی ولایتده یوز بېرگن ایکّی ترافیک حادثهسی عاقبتیده کمیده اوچ کیشی هلاک بۉلگنی و ینه ۱۰ کیشی جراحتلنگنینی معلوم قیلدی.
طالبلرنینگ کنردهگی خوفسیزلیک قوماندانلیگینینگ خبریگه کۉره، بوگون (شنبه، ۲۱-سنبله) اسمار اولسواللیگیده «سراچه» روسوملی موتر طالبانگه تېگیشلی «اینترنشنل» روسوملی موتر بیلن تۉقنهشگن. حادثه عاقبتیده ایکّی کیشی هلاک بۉلگن و ایکّی نفر عیالنی هم اۉز ایچیگه آلگن بېش کیشی جراحتلنگن.
طالبلرنینگ کنر امنیه قوماندانلیگی مطبوعات سوزلاوچیسی فرید دهقاننینگ ایتیشیچه، جراحتلنگنلر اسمار تومنیدهگی طبیات مرکزیگه آلیب باریلگن.
او قربانلر طالبان اعضالری یاکه «سراچه» روسوملی موتر یۉلاوچیلری بۉلگنینی انیقلشتیرمهگن، بیراق حادثهگه هیداوچیلرنینگ احتیاطسیزلیگی سبب بۉلگنینی ایتگن.
شو بیلن بیرگه، ارزگان ولایتیدهگی طالبلر رسميلری بوگون اېرتهلب ترینکۉت- شاولیکوت یۉلیده «فولدر» روسوملی موتر اغدریلیب کېتیشی عاقبتیده بیر کیشی هلاک بۉلگنی و ینه بېش کیشی جراحتلنگنینی معلوم قیلگن.
ارزگاننینگ محلي طالبلر رسميلری جراحتلنگنلر دوالنیش اوچون قندهاردهگی میرویس منطقوي شفاخانهسیگه آلیب کېتیلگنینی بیلدیرگن.
اوشبو حادثه نینگ سببی حاضرچه معلوم قیلینمهگن.
