تورکی خلقنینگ قومی توشنچهسی بۉلمگن، بو خلق دنیاده بویوک امپراتورلیکلر قوریب، اسلام دینینی دنیاده ییرهتیش و باشقه خلقلرنینگ تیلی و مدنیتینی رواجلنتریشگه کتّه اۉرنی بۉلگن، اوندن نمونه فارسی یا دری تیلی دیر.
حاضرگی افغانستان و اۉرته آسیاینینگ بعضی بیر قسمتلریدن تورکی خلق حاکمیتدن کېتگندن سۉنگ، ناتینچلیکلر، قومی توشنچه، باشقه ملیتلرنینگ کمسیتیلیشلر کوچیب بارماقده دیر.
بو وضعیت افغانستانده طالبلر گروهی حاکمیتگه تباره کوچیگن، هر کون پشتونیزم فکری آچیق کۉرینیب، افغانستان تورلی خلقلریگه حقارت بیلن قرهماقدهلر؛ حال بوکی، بو حاکمیتنینگ شعاری اسلام و بیرلیک بۉلگن؛ اما، واقیعت عکسینچه.
مېن طالبان گروهینینگ بیر اۉزبېک اعضاسینی دایم اجتماعی ترماقلرده کوزهتیب بارهمن، بو کیشی دایم طالبلر گروهینینگ بیر مثبت گروه توشینتیریش اوچون پستلر قیللر اېدی، حاضر اېسه نېچه کوندن بویان اۉز فیسبوک صحیفهسیده حاضرگی حاکمیتدن تنقید قیلماقده دیر.
او بیر پستگه یازگن (تعصب گران و متعصبین امروز به آخرین نقطه رسیدن) بونگه قۉشیمچه بیرقنچه پستلر بار که طالبان گروهی اعضاسی بۉلیب بو گروهنینگ قومی یاندهشوولریدن کنایه بیلن تنقید قیلماقدهلر.
بو شوندهی بیرحالده دیر که طالبان گروهی تورلی بهانهلر بیلن اۉزبېک-تورکمنلر، هزارهلر، تاجکلر و باشقه قوملرگه پشتونیزم فکری بیلن قرهب، حتی پشتو تیلدن باشقه تیلگه حرمتسیزلیک قیلیب یازولرنی اوچیرماقده دیر.
اېندی بیزنینگ مراجعتمیز طالبلر گروهینینگ پشتون بۉلمگن اعضالریگه دیر.پشتونیزم فکری آچیق کۉرینیب تورگن بۉلسه، و هر کون سیزنینگ خلقینگیز، تیلینگیز، مدنیتینگیز، و قوم-قرینداشلرینگیزگه حرمتسیزلیک دوام ایتسه سیز بونی قچانگچه کوزهتهسیز؟
بو حقده تاریخگه سیزنی نیمه جوابینگیز بار؟
حاضر هر شرایطدن کۉره بیز کۉپراق توشینیشیمیز کېرهک.
بوگونلرده: تخار، سرپل، جوزجان و فاریاب کبی تورکی ولایتلرده بیملال اۉزبېکچه یازوولر اۉچیریلهدی و اۉرنیده پشتو تیلیده یازیلهدی، حال بوکی ۹۵ فایز اهالیسی اصلاً پشتو تیلیگه توشینمیدی، سیز بیر لحظه اۉیلب کۉرینگ یوز ییلده هم بیر مرته اۉزبېک-تورکچه یازوو قندهار، هلمند و ننگرهار کبی ولایتیلرگه بېش دقیقه بۉلسههم یازیلگنمی؟
اگر عینومینه کیریش اېشگیده اۉزبېکچه یازسه نیمهلر بۉلهدی؟
التماس بیز اۉزیمیز پشتونیزم فکری بوندن کۉپراق حاکمیت سوریشیگه کوچ بۉلمیلیک، اگر اولرگه قرشی بۉلمگن تقدیرده قۉللب-قوتلهمیلیک.
