جهان آزیق-آوقت دستوری تامانیدن بوگون دوشنبه نشر اېتیلگن حسابات نتیجهلریگه کۉره، افغانستانده اۉتگن بیر ییلگه نسبتن آزیق-آوقت و اېکینچیلیک محصولاتلرینینگ نرخی یوقاری کېتگن.
اوشبو حسابات اساسیده، اۉتگن ییلگه نسبتن بوغدای نرخی ۱۳ فایز و ارزاننرخده بۉلگن اون نرخی اېسه ۱۲ فایز یوقاری کېتگن.
آزیق-آوقت دستورینینگ حساباتی شونینگدېک، اۉتگن ییلگه نسبتن کچالو نرخی ۴۳ فایز و گوروچ نرخی ۳۵ فایز قیمتلشگنینی کۉرسهتدی.
شو بیلن بیرگه، بو تشکیلات افغانستان بازارلریده پلولیک گوروچ نرخی ۲۲ فایز و یاغ نرخی اېسه ۱۴ فایز کوتریلگنیدن خبر بېردی.
اوشبو نرخلر یوقاری کېتیشی بیلن بیرگه، افغانستانده ایش و درآمد تاپیش شرایطلری هم خواطرلی حالده چېکلنگن.
حساباتگه کۉره، افغانستانده کونیده اۉرتهچه ۳۰۲ افغانی پول تاپهدیگن عادی بیر ایشچی هفتهسی یالغیز ایکّی کون ایشگه تاپیشگه قادر بۉلگن.
بوندن تشقری، اوشبو تشکیلات افغانستانده دیزل نرخی هم بیر ییل ایچیده ۱۴ فایز کوتریلیب ۷۹.۷ افغانیگه یېتیشگنینی معلوم قیلدی.
جهان آزیق-آوقت دستوری، بو وضعیت افغانستان اهالیسی اوچون آغیر باسیملرنی آلیب کېلگنیدن آگاهلنتیرگن.
