بوگون سپتمبر آیینینگ ۱۵ – سی، دیموکراسی خلقارا کونی بیلن تینگ دیر.
بیرلشگن ملتلر تشکیلاتی اوشبو کوندن دنیا بویلب تورلی مملکتلردهگی استبدادلرگه قرشی حرکتلرنی قۉللب-قۉتلش مقصدیده نشانلب کېلماقده.
بو ییل اوشبو کون شوندی بیرحالده یېتیب کېلماقده دیر که افغانستان سونگّی ییللرده دیموکراسی باستیریلیشی حرکتلرینینگ قربانی بۉلیب کېلماقده.
دیموکراسی قدریتلری اساسیده، حکومت قیلیش خلق ارادهسی و ییریک قرارلر قبول قیلینیشی و حکومت توزیلیشی کبی حرکتلرده تورلی قتلملرنینگ فکر و ملاحظهلری انابتگه آلینیش کېرهک دیر.
طالبان حاکمیتیده بۉلگن افغانستانده اېسه بو وضعیت عکسینچه.
بېش ییلدن بیری طالبان افغانستانده حکومت قیلر اېکن بو گروهنینگ بوتون حرکتلری خلق ارادهسی و دیموکراتیک قدریتلرگه قرشی بۉلیب کېلماقده.
طالبان بو ییللر دوامیده نهفقط جماعه یریمی بۉلگن عیاللرنی تورلی ساحهلردن یۉق اېتیشگه حرکت قیلگن بلکه حکومت توزومیده اۉزلریدن باشقهلرنی چېتگه سۉریب، حکومتنی بیر قوم و بیر گروه قمراویده سقلب کېلگن.
بوندن تشقری، طالبان اوشبو ییللر دوامیده افغانستانده، تورلی خلقلر جملهدن اۉزبېکلرنی نه فقط سیاسی بلکه اقتصادی و فرهنگی باستیریشگه هم حرکت قیلیب، حتا که اولرنی یېرلرینی تارتیب آلیشگه اورینگن.
