پاکستان‌نینگ اخبارات وزیرلیگی بوگون (۹-میزان، پنج‌شنبه)، اکس صحیفه ترقه‌تگن بیر بیاناتده، بو مملکت آرقه‌لی افغانستان‌نینگ بیر قطار بولیم‌لری‌گه هوا هجوملری اۉیوشتیریلگنی‌نی تصدیقله‌گن.
مذکور بیاناتده کیلیشیچه، اوشبو هجوملرده افغانستان ده جایلشگن ایکی یاشیرین جای نشانگه آلینیب و ۲۲ ترورچی اۉلدیریلگن.
بیاناتده شونده‌ی دېیلگن: «غصب‌للحق عملیاتی دوامی و پاکستان‌نینگ ترورچی و اولرنی قۉللب-قۉتلاوچی گروه‌لرنی یوق قیلیش تۉغریسیده‌گی اراده‌سی دایره‌سیده، ترورچی گروه‌لرنینگ یاشیرین جایلری‌گه قرشی انیق هوا هجوملری عملگه آشیریلیب، بیر قطار ترورچی اۉلدیریلدی.»
طالبان اېسه بو هجوملرده، تۉقّیز کیشی تینچ اهالی جان بېریب و ینه ۱۱ کیشی یره‌لنگنینی دعوا قیلدی.
طالبان سۉزلاوچیسی اۉرین‌باسری حمدالله فطرت ژورنالیست‌لر بیلن شریک قیلگن معلوماتده، اوشبو قربانلرنینگ اکثریتی باله‌لر و عیاللر بۉلگنینی هم ادعا قیلگن.
بو حقده طالبان تامانیدن نشر اېتیلگن معلوماتده، بو هجوملر کنرنینگ شلتان اولسواللیگیده‌گی چوگام و هلمندنینگ گرمسیر اولسواللیگیده صفار حدودلرینی نشانگه توتگن.
پاکستان اۉیوشتیریلگن بو هجوملری عاقبتیده، کۉپ مقدارده‌گی قورال-یراغ یوق قیلینگنینی هم اعلام قیلگن.
