قیرغیزستان مملکتی‌نینگ بیرینچی صنعی یۉلداشی آسمانگه اوچیریلیب اۉرنه‌تیلدی. اوشبو یۉلداش امریکانینگ کالیفرنیا ایالتیده‌گی حربی-هوا بَزه‌سیدن اوچیریلگن.
اوشبو صنعی یۉلداش اوچیریلیب و باریب اۉرنه‌تیلیشی جریانینی قیرغیزستان جمهور باشلیغی صدر جباروف، یقین‌دن کۉزه‌تگن.
جباروف، بو یۉلداش اوچیریلیشی مملکتی اوچون تاریخی موفقیت دېب قید اېتگن.
جباروف، بو خصوصده بۉلگن صحبتلریده اوشبو یۉلداش تیّارلنیشی بوندن ایکّی-یریم ییل آلدین بویورگنینی تاکیدلب، بو یۉلداش بیرلشگن عرب امیرلیگی بیر کمپنیه‌سی یاردمی تیّارلنگنینی معلوم قیلدی.
جباروف‌گه کۉره، بو صنعی یۉلداش هوا وضعیتی کبی مساله‌لرنی مانیتور اېتیش مقصدیده فعالیت قیله‌دی.
