طالبان اقتصاد وزیری دین‌محمد حنیف، افغانستان ده بیرلشگن ملتلر تشکیلاتی‌نینگ ترقیاتی دستوری وکیلی تورهان صالح بیلن اوچره‌شگن.
اقتصاد وزیرلیگی‌نینگ بوگون (۶-عقرب، چهارشنبه)، اکس صحیفه‌سیده یازیشیچه، اوشبو اوچره‌شووده ایکّی تامان ترقیاتی ایشلر رواجلنیشی، خصوصی سکتور قۉللب-قوتلنیشی و ترقیاتی لایحه‌لر عمل‌گه آشیریلیشی توغریسیده صحبت قیلگنلر.
اوشبو وزیرلیککه کۉره، حنیف هوا اۉزگریشلری و قاچقینلرنینگ کینگ کولملی قیتیشی‌نی، افغانستان یشاوچیلری‌گه اقتصادی و اجتماعی باسیم‌نی کوچه‌یتیره یاتگن عامللر صفتیده قید ایتگن.
شونینگدېک بیرلشگن ملتلر تشکیلاتی‌نینگ ترقیاتی دستوری وکیلی، مخدره ماده ایکیلیشی بیلن قرشی کوره‌ش، ترقیاتی لایحه‌لر عمل‌گه آشیریلیشی، تعلیمی برنامه‌لر و کیچیک تجارتلر همده خصوصی سکتورنینگ قۉللب-قوتلنیش بۉلیملریده همکارلیکلر دوامی‌گه اورغو بېرگن.
