تورکیه و اۉزبېکستان اۉرته‌سیده تجارت، اجتماعی تامینات و ایش دنیا‌سی‌نینگ قۉللب-قوتلش بویېچه ۵ کیلیشوو امضالنگن.
تورکیه جمهور باشلیغی رجب طیب اردوغان‌نینگ اۉزبېکستان جمهور باشلیغی شوکت میرضیایف بیلن انقره ده اوچره‌شگنی‌دن سۉنگ، ایکّی مملکت آره‌سیده بو کیلیشوولر امضا بۉلگن.
یېتکرمه‌لردن قطاری‌نینگ گزارش بیریشیچه، تورکیه سودا وزیری عمر بولات و اۉزبېکستان تشقی ایشلر وزیری بختیار سعیدوف، ایکّی دولت چیگره‌سیدن اوته‌یاتگن ترانسپورت واسطه‌لری و یوکلر حقیده آلدیندن معلومات المشتیریش بویېچه کیلیشوووگه اۉزگریش کیلتیریش حقیده‌گی حجت‌نی امضاله‌دی.
گزارش گه کۉره، ایکّی دولت اۉرته‌سیده‌گی امتیازلی سودا کیلیشووگه اۉزگرتیریش کیریتیش حقیده‌گی حجت، عمر بولات و اۉزبېکستان سرمایه یاتقیزیش، صناعت و سودا وزیری لذیذ قدرت‌اوف تامانیدن امضالنگن.
شونینگدېک اجتماعی تامینات ساحه‌سیده هم ایکّی دولت اۉرته‌سیده ایکّی ته کیلیشوو امضا بۉلگن. بو کیلیشوولرنی تورکیه ایش و اجتماعی ایشلر وزیری ودات ایشیک‌خان همده اۉزبېکستان تشقی ایشلر وزیری بختیار سعیدوف امضاله‌دی. کیلیشوولر اجتماعی حمایه اونی عمل‌گه آشیریش ترتیبی‌گه عاید.
بولرگه علاوه، تورکیه و اۉزبېکستان آره‌سیده «کسب-کارنی قۉللب-قوتلش عالی کینگشی» آچیلیش کیلیشووی، اردوغان و میرضیایف اۉرته‌سیده امضا بۉلگن.
اوشبو کیلیشوو ایکّی مملکت اقتصادی همکارلیکلری مستحکم‌لنیشی و سودا فعاللری قۉللب-قوتلنیشی مقصد عمل‌گه آشیریلگن.
