یونانگه دینگیز آرقه‌لی ناقانونی یۉل بیلن کېریشگه اۉرینگن ۳۵ افغانستانلیک قاچقین، تورکیه‌نینگ بالیک‌اسیر شهریده قۉلگه آلینگن.
تورکیه یېتکرمه‌لریده ترقه‌تیلگن خبرلرگه کۉره، شونینگدېک باشقه تورت کیشی هم قاچقینلرنینگ قاچاق قېلیش عیبی بیلن قۉلگه آلینگن.
خبرلر اساسیده، بو عملیاتده قۉلگه آلینگنلردن اوچ ته‌سی حبسگه آلینیب و بیرته‌سی اېسه محکمه نظارتی آستیده قۉییب یوباریلگن.
ایتیلیشچه، قۉلگه آلینگن قاچقینلر دستلبکی ایشلرنی یکونلنتیریش بیلن یشش اوچون رخصتنامه‌سی بۉلمه‌گن قاچقینلر سقلنه‌دیگن مرکزلرگه یېتکزیلگن.
افغانستانگه طالبان قیته قدرت گه اېریشگنیدن کېین کۉپینچه چیکلاولر یره‌تیلگنی سبب، یاشلردن کۉپینچه‌سی مملکتنی ترک قېلیب و ناقانونی یۉللر آرقه‌لی باشقه مملکتلرگه کېتیشگه اۉرینماقده؛ لېکن حجت‌سیزلیک و ناقانونی یۉل آرقه‌لی باریش بیر قطار خوفلر جمله‌دن اولرنینگ اۉلیمیگه سبب بۉلگن.
ایتیش کیره‌ک که، نیچه کون آلدین تورکیه و ایران چیگره‌سیده‌گی حدودده افغانستانلیک سکیز قاچقین‌نینگ جسدی تاپیلیب و بو مملکتده افغانستانلیک قاچقینلر انجمنی اوشبو سکیز یاش‌نینگ اۉلیمینی تصدیقله‌گن.
