چېگره بیلمس شفاکارلر تشکیلاتینینگ ایتیشیچه، افغانستانده بو تشکیلات حمایتی آستیدهگی دوالنیش مرکزلرده تۉییب آوقتلنمسلیک حالتلری حاضرگچه یوقاری دیر.
بو نهادنینگ افغانستان بۉلیمی، بوگون (۲۸-عقرب، پنجشنبه)، تۉییب آوقتلنمسلیکنینگ ترقهلیش درجهسیدن خواطر بیلدیریب و ایتیشیچه، یاز موسومیدن کېین بعضا بو موردلر سانی کمهیشی بیرحالده، تۉییب آوقتلنمسلیک سطحی حاضرگچه یوقاری درجهده قالگن.
چېگره بیلمس شفاکارلر تشکیلاتینینگ کۉپهیتیریشیچه، قشاقلیک، تۉییب آوقتلنمسلیک دوالنیشی اوچون نیاز بۉلگن جهازلرنینگ آزلیگی و یۉللر اوزاقلیگی، جاری انقراض بیلن قرشی کۉرهشنی قیینلشتیرگن.
بیرلشگن ملتلر تشکیلاتینینگ معلوماتی اساسیده، افغانستانده اوچ میلیون ۷۰۰ مینگدن آرتیق باله آغیر تۉییب آوقتلنمسلیککه چیلنگن.
یاردم بېرووچی نهادلرنینگ ایتیشیچه، بودجه کمهیگنی و افغانستان اوچون انسانپرورلیک بودجهنینگ وقتیده تامینلنمسلیگی، بو مملکتده تۉییب آوقتلنمسلیک بیلن قرشی کۉرهشنی قیینلشتیرگن.



