انبیسی آژانسی جمعه کونی هکرلر جاری هفته دوامیده، امریکا اېکینچیلیک وزیرلیگینینگ دهقانلرگه مالیوی یاردملر تۉللش اوچون فایدهلنیلهدیگن تیزیملریدن بیریگه کېرگنیدن خبر بېردی. اوشبو آژانس موضوعدن خبردار بۉلگن مذکور وزیرلیکنینگ ایکّی سابق رسمیسیگه تیهنیب ایتیشیچه، اېکینچیلیک وزیرلیگی پنجشنبه کونی اۉز خادملرینی بو واقعه توغریسیده آگاهلنتیرگن.
انبیسینینگ خبریگه کۉره، حاضرگچه تۉلاولر معلوماتلر بزهسی بو کېریش نشانهسیگه ایلنگنی انیقلنگن؛ لېکن سابق رسمیلر زیان کۉرگن تیزیم ینهده حساس معلوماتلرگه، جملهدن آزیق-آوقت خوفسیزلیگی و حیوانلردن یوقیشی ممکن بۉلگن کسللیکلر بۉییچه تېکشیروولرگه تېگیشلی معلوماتلرگه یۉل آچیشی ممکنلیگی حقیده آگاهلنتیرگن.
حاضرگچه بو سایبری هجوم عامللرینینگ کیملیگی انیقلنمهگن. امریکا سایبری خوفسیزلیک و آستقورمهلر ادارهسی بو واقعه حقیدهگی سوراقلرنی اېکینچیلیک وزیرلیگیگه یۉنهلتیرگن؛ بیراق بو وزیرلیک حاضرگچه بو توغریده جواب بېرمهگن.



