بیرلشگن ملتلر تشکیلاتی نینگ امنیت شوراسیده غزه ده آتش کېسیم عملگه آشېشی اوچون ایلگری سوریلگن قطعنامه امریکا تمانیدن وتو ایتیلگن.
فلسطین نینگ باشقرو تشکیلات رېیسی محمود عباس اوشبو واقعه یوزیدن امریکا بیرلشمېش دولتلرینی غزده دوام ایته یاتکن اورېش جنایتلریگه شریک دیب ایتدی.
بیرلشگن ملتلر تشکیلاتی امنیت شوراسی نینگ 15 اعضاسیدن فقط امریکا مذکور قطعنامه نی رد اېتدی. بوکون ترکیه تشقی ایشلر وزیری هاکان فدان غزه ده گی اۉریش نی دوام ایتېریش ده امریکا دولتی یکه قالگن دیب بهاله دی.
غزه ده گی هجوملرگه قرشی اۉریشه یاتکن حماس گروهی مسوللری اکتبر آییده باشلنگن اسراییل هجوملریدن بویان 17 مینگدن کۉپراق فلسطین لیکلر هلاک بولگنینی ایتماقده. اۉلگنلرنینگ کۉپچیلیگی باله لر، عیاللر و کېکسه کیشی لر بۉلگنی اېتیله دی.
طالبان تشقی ایشلر وزیرلېگی نینگ سۉزچیسی هم غزه ده گی آتش کېسیم قطعنامه سینی رد اېتیلیشی یوزیدن امریکا دولتی نی عیبلب چیقدی. طالبان تشقی ایشلر سۉزچیسی غزه ده یوز بیره یاتکن برچه ظلم و جنایتلرگه امریکانی شریک دیب ایتدی.
