امریکا دولتی نینگ افغانستان بۉیېجه ایلچی‌سی خانم کرن دیکر اۉزی‌نینگ ایکس صحیفه سیده یازیشیچه، طالبان نینگ امربالمعروف و نهی عن المنکر باشلېغی خالد حنفی و افغانستان بیلیملر اکادمی‌سی باشلېغی فریدالدین محمود نی انسان حقلرېنی ایاغ آستی قېلیشلری یوزیدن جوابگرلیک تارتماقچی.
خانم دیکرنی یازیشیچه مذکور کیشی لر مملکت نینگ یرېم الوس سانېنی تشکیل بیره یاتکن عیاللرنینگ اوقیش و ایشلش حقیدن محروم ایتېلیشیگه سببچی بۉلگنلر.
طالبان گروهی حاکمیت گه اېریشگندن کیین مملکت بۉیلب عیاللرگه قرشی قتیغ چیکلاولر کیریتگن. قیزلرنی آلتېنچی صنف دن یوقاری درس اوقیمسلېگی، عیاللرنی ایشدن محروم ایتیلیشی و محرم‌سېز یورت تشقرېسیگه سفر قیلمسلیکلری عینآ شو چیکلاولرنینگ بیر قسمی سنله دی.
معلوماتلرگه کۉره طالبان نینگ چېکلاو قرارلری اساسآ قندهارده تورېب حاکمیت سوره یاتکن ایتکچی سی ملا هبت الله آخند و اونینگ بېش کیشی لیک یقینلری تمانیدن صادر ایتېله‌دی. خالد حنفی و فریدالدین محمود طالبان رهبری نینگ اینگ یقین ایشداشلریدن ایکیته‌سی حسابلنه دی.
