امریکا خزانه‌دارلیک وزیرلیگی نینگ اعلامی اساسیده، طالبان «امر به معروف» وزیری، محمدخالد حنفی؛ و بیلیملر اکادمی باشلیغی فریدالدین محمود نی، انسانی حقلرنی نقض اېتگنلری اوچون تحریم قیلگن.
مذکور وزیرلیک نینگ ایتیشیچه، طالبان نینگ اوشبو ایکّی رسمی‌سی انسان حقلرینی جدی بیر شکلده نقض اېتیب و شونینگدېک قیزلر و عیاللرنی سرکوب قیلگن‌لری اوچون تحریم قیلگن.
امریکا خزانه‌دارلیک وزیرلیگی جمعه کونی 17- قوس بیر اعلامیه آرقه‌لی یازیشیچه، طالبان بیلیملر اکادمی باشلیغی، آلتینچی صنف دن یوقاری بۉلگن قیزلرنینگ اۉقیشی گه اصلی تۉسیق‌لردن بیری دیر.
اوشبو اعلامیه خالد حنفی توغریسیده کۉپه‌یتیرگن که، او طالبان «امر به معروف و نهی از منکر» وزیری دیر و 1400- ییلدن کېین انسانی حقلر نقض اېتیش جمله‌دن اۉلدیریش، آدم اوغیرلاوچیلیک، قمچی‌لش و کلتکلش گه عیبلنگن.
مذکور کیشیلر امریکا خزانه‌دارلیک وزیرلیگی نینگ قطار مملکتلرگه قرشی تحریملر رویخطی گه قید اېتیلگن. اوشبو رویخطده مرکزی افریقا جمهوریتی، کانگو دموکراتیک جمهوریتی، هائیتی، ایران اسلامی جمهوریتی، لیبیا، چین، جنوبی سودان و اوگاندا مملکتلری نینگ قطاری رسمی‌لرینی آتی کۉرینه‌دی.
طالبان افغانستان نی نظارتلریگه آلگنیدن کېین، آلتینچی صنف دن یوقاری بۉلگن قیزلرنینگ مکتب کیتیشی گه تۉسیق بۉلیب و شونینگدېک بیلیم یورتلر ایشیگی قیزلرنینگ یوزیگه یاپیلدی.
عین حالده، بوندن آلدین طالبان نېچه مرته عیاللرنینگ ناراضلیک نمایش یېغین‌لرینی سرکوب قیلیب و عیاللر حقلری فعاللریدن قطاری نینگ کلتکلب و حبس گه آلگن اېدی.
