افغانستان ملی خوفسیزلیک اداره‌سی سابق رئیسی رحمت‌الله نبیل، شنبه کونی ایران تشقی ایشلر وزیری نینگ طالبان نی «افغانستان حقیقتی» صفتیده قبول قیلیش حقیده‌گی سۉزلریگه جدی عکس‌العمل بیلدیریب، ایران اسلامی جمهوریتی و طالبان «بیر فکرده» اېکّنینی اَیتدی.
او، اکس اجتماعی ترماغیده کنایه بیلن یازگن: «کبوتر با کبوتر، باز با باز.»
ایران تشقی ایشلر وزیری، شنبه کونی طالبان‌دن باشقه گروهلرنی هم قدرت گه حق بېریشی نی سۉره‌دی. عین حالده، او باشقه حرکتلردن طالبان نی افغانستان حقیقتی صفتیده قبول قیلیش نی سۉره‌گن.
ایران تشقی ایشلر وزیری نینگ اوشبو ایسته‌گی افغانستانلیک سیاستچی‌لریدن قطاری نینگ جدی عکس‌العمللریگه یوزمه‌یوز بۉلگن.
ایران اسلامی جمهوریتی، طالبان بیلن یخشی علاقه گه اۉتیش اوچون اۉرینیب کېلگن. جناب نبیل نینگ ایتیشیچه، اوشبو یخشی علاقه بیر فکرده‌لیک نی کۉرسته‌دی.
او کنایه بیلن یازدی: «آخوند و طالب نینگ هم فکرلیگیدن کۉپراق نرسه نی کوتیش ممکن اېمس.»
