میلادی 2023- ییل 9- دسامبر انسان حقلریدن حمایت قیله‌دیگن بیر قطار افغانستانلیکلر اوشبو مملکتده، جنسیتی اپارتاید حاکم بۉلگنی اوچون، آلمان نینگ بُن شهریده تحصن خیمه‌سی تیکیشگن.
تحصن خیمه‌سینی قورگنلردن بیری تمنا زریاب پریانی، اۉزبېک تی‌وی بیلن اۉتکزگن صحبتیده ایتیشیچه، ناراضلیک کاروانی جنسیتی اپارتاید رسمیت گه تانیلیشی اوچون ایجاد اېتیلگن و بو ناراضلیک اېسه 2024- ییل گە قدر دوام اېتیشی ممکن.
پریانی گه کۉره، اوشبو ناراضلیک نمایش جنسیتی اپارتاید رسمیت گه تانیلیب و جهان اچینرلی جیم توریش نی سیندیرگونگه قدر دوام اېته‌دی.
مذکور ناراضلیک نمایش گه قتنشگنلردن باشقه بیری، تمنا جمیلی نینگ ایتیشیچه، افغانستانده‌گی فعال عیاللرنینگ قوللب قوتلش، بیزنینگ اساسی وظیفه‌میز دیر و بیز اولرنینگ آوازی نی کوچه‌یتریش و ایرکین‌لیکلری تأمین اېتیلیشی گه اعتبار قره‌تیشیمیز کیره‌ک.
عین حالدە، اوشبو اعتراضچیلر جرمنی ده یشه‌یدیگن افغانستانلیکلردن اوشبو ناراضلیک چادری گه قتنه‌شیب و افغانستان مظلوم خلقینی دنیا بۉییچە سیسی و قیینچلیکلرینی اِیشیتیریش اوچون سعی و حرکت قیلیشلرینی سۉره‌شگن.
