افغانستان ایشلری بۉییچه امریکا خاص نماینده‌سی توماس وِست نینگ ایتیشیچه، بو ییل امریکا پاکستانده‌گی افغانستانلیک پناه ایزلاوچیلردن حمایت اېتیش اوچون قاچقینلر ایشلری بۉییچه بیرلشگن ملتلر تشکیلاتی نینگ کمیسارلیگی گه 77 میلیون دالر یاردم بېرگن.
او، ایکس صحیفه‌سیده یازیشیچه، پاکستان گه قیلگن سفری جریانیده قاچقینلر ایشلری بۉییچه بیرلشگن ملتلر تشکیلاتی نینگ عالی کمیسیارلیگی رهبری و اسلام‌آباد ده مهاجرلیک خلق‌ارا تشکیلاتی بیلن، خوف گه دوچ کیلگن و زیان کۉره‌دیگن افغانستانلیکلردن حمایت اېتیش توغریسیده سوزلشگن.
شونینگدېک امریکا نماینده‌سی نینگ ایتیشیچه، پاکستانده‌گی افغانستانلیکلر بیلن اۉچره‌شیب و اولرنینگ روایتلرنی اِیشیتگن. اوشبو امریکالیک دیپلومات پناه‌ایزلاوچیلرنینگ سقله‌نیشی نی سۉره‌شگن.
توماس وِست نینگ کۉپه‌یتیریشیچه، پاکستان گه قیلگن ایکی کونلیک سفریده، افغانستانلیک قاچقینلر سقله‌نیشی خصوصیده پاکستانلیک رسمیلر بیلن هم سوزلشگن.
او، حربی کوچلر مرکزی باشلیغی جنرال عاصم منیر و افغانستان ایشلری بۉییچه پاکستان خاص نماینده‌سی آصف درانی بیلن صحبت اۉتکزگن.
مذکور اۉچره‌شوولر بۉلیب اوتگن بیرحالده، سۉنگی پیتلر حجتی بۉلمه‌گن افغانستانلیک پناه‌ایزلاوچیلر نینگ حبس گه آتیب یا-ده پاکستان دن چیقاریلشی دوام تاپیب کیلماقده.
