افغانستان ایشلری بۉییچه بیرلشگن ملتلر تشکیلاتی نینگ انسان حقلری خصوصیده‌گی خاص گزارشگری ریچارد بنت، انسان حقلری خلق‌ارا کونیده طالبان دن انسان حقلریدن حمایت اېته‌دیگن کیشیلر جمله‌دن، اعتراضچی عیاللرنینگ حبس دن آزاد اېتیلیشی نی سۉره‌گن.
او، بوگون (یکشنبه 19- قوس) ایکس صحیفه‌سیده یازیشیچه: «مین طالبان دن انسان حقلری اعلامیه‌سی نینگ 75-نی ییللیگی نی، انسان حقلریدن مدافعه قیله‌دیگن کیشیلر جمله‌دن 19- سپتامبردن بیری حبس بۉلگن تۉرت عیاللر فعالی نی قوییب یوباریش بیلن نشانله‌شینی سۉره‌یمن.»
بنت نینگ ایتیشیچه: «انسان حقلریدن حمایت قیلیش اوچون هیچ کیم حبس بۉلمه‌یشی کېره‌ک.»
پریسا آزاده، ندا پروانی، ژولیا پارسی و منیژه صدیقی، طالبان تمانیدن حبس اېتیلگن عیاللر دیر.
سۉنگی پیتلرده مذکور عیاللرنینگ ساغلیک وضعیتی یمانلشگنی توغریسیده، قطار گزارشلر ترقه‌تیلگن اېدی.
خلق‌ارا کېچیریم تشکیلاتی نینگ ایتیشیچه، طالبان قماقخانه‌سیده عیاللر یمان وضعیتده دیر و اولر بیلن ناتوغری یانده‌شیله‌دی.
بیراق طالبان مذکور عیاللر وضعیتی و اولر نېگه حبس بۉلگنی حقیده هیچ بیر نرسه دېمه‌یدی.
