افغانستان ملی اسلامی جنبش حزبی نینگ رهبری مارشال عبدالرشید دوستم قربان هییت بیره‌می مناسبتی بیلن بیر پیام ترقه‌تیب، بو پیامیده هییت‌نی تبریک‌لگنی یانیده، افغانستان‌نینگ جاری وضعیتیدن خواطر بیلدیرگن.
مارشال دوستم اۉزینی پیامیده، طالبان حاکمیتی آستیده بۉلگن افغانستان وضعیت‌نی خواطرلی اوقیب، حاضر افغانستان ترورچیلر اوچون خوفسیز اوی‌گه اَیله‌نگن دېگن.
مارشال دوستم نینگ پیامینی بیر بۉلیمیده کېلیشیچه: ” افغانستان خلقی آغیر و قییند کونلرنی باش‌دن اوتکزماقده که بو وضعیت میندن تینچ‌لیک‌نی آلگن و مینی جدی رنج بېره‌دی.”
شونینگدېک مارشال دوستم اۉزینی پیامیده، افغانستان‌نی بو وضعیت‌دن قوتقریش اوچون سعی‌وحرکتلری دوامیدن ایشانچ بېریب، بیر کون خداوند یاردمی و خلق همکارلیگی و بیرلیگی بیلن افغانستان‌نی بو وضعیت‌دن قوتقریب، افغانستان خلقی حق‌لرینی قیتریب بیریشیدن ایشانچ بېرگن.
افغانستان ملی اسلامی جنبش حزبی نینگ رهبری، خلق‌ارا هم‌جمعیتی دن هم افغانستان‌نی ترورچیلیک‌دن توله قرانغو کیله‌جکدن قوتقریش اوچون توجه قره‌تیشینی سۉره‌گن.
مارشال دوستم بو پیامیده، دوحه اوچینچی دور ییغینیده هم اشاره قیلیب، بو ییغین‌ده افغانستان برچه تامان‌لری جمله‌دن عیاللر وکیللری هم چقیریلیشینی طلب قیلگن.
