آسوشیتدپرس یېتکرمه‌سی نینگ گزارش بیریشیچه، اروپا اتفاقی و ناتو تشکیلاتلری نینگ اعضاسی بۉلمیش مجارستان مملکتی نینگ جمهور باشلیغی ویکتور اوربان اوکراین‌ده آتیش-کېسین برقرارلنیشی اوچون سعی‌وحرکتلرنی باشله‌گن.
بو یېتکرمه گزارش‌نی بیلدیریشیچه، ویکتور اوربان تامانیدن قۉلگه آلینگن بو سعی‌وحرکتلر ایریم اروپا مملکتلرینی تنقیدلریگه هم باعث بۉلگن. چونکه مجارستان مملکتی اوکراین‌ده آتیش-کېسین برقرارلنیشی اوچون اوروش ایکی تامانی بیلن هم علاقه‌ده اوتیش کېره‌ک‌لیگیگه ایشانه‌دی.
اروپا مملکتلری اېسه روسیه بیلن هر قندی علاقه قوریش‌نی قاره‌لماقده‌لر.
مجارستان جمهور باشلیغی اوشبو سعی‌وحرکتلری دوامیده اوکراین مملکتی کیین اېسه روسیه‌گه سفر قیلگن.
شونینگدېک ویکتور اوربان بو سفرلریدن کیین، ایلگری‌دن اعلام اېتیلمه‌گن بیر سفر آرقه‌لی چین مملکت‌گه باریب، بو مملکت جمهور باشلیغی شی‌جین پینگ بیلن اوچره‌شگن.
ایتیلیشیچه، مجارستان جمهور باشلیغی بو سفرلریده اوکراین‌ده تیزلیک بیلن آتیش-کېسین برقرارلنیشی اوچون سعی‌وحرکت قیلماقده.
ایتیش کېره‌ک که مجارستان مملکتی حاضر اروپا اتفاق‌نینگ دوره‌ای باشلیغی دیر و شونینگدېک بو مملکت تورک دولتلری تشکیلاتی نینگ هم کوزه‌تووچی اعضاسی دیر.
