بوگون فبروری آیی نینگ ۱۳ –سی، رادیو خلق‌ارا کونی بیلن ماس دیر.
بیرلشکن ملتلر تشکیلاتی، جماعه‌لرده رادیو اهمیت‌گه قدر بیریش مقصدیده میلادی ۲۰۱۲ – ییلی، ۱۳ – فبروری کونینی رادیو خلق‌ارا کونی دېب مسما قیلگن اېدی.
اوشبو تاریخ‌دن بویان، بوگون «رادیو خلق‌ارا کونی» اوله‌راق نشان‌لنه‌دی.
بو ییل رادیو خلق‌ارا کونی ییتیب کېلیشی بیلن، بیرلشکن ملتلر تشکیلاتی نینگ تعلیم، بیلیم و مدنیت تشکیلاتی یا ده «یونسکو» بیر بیانات نشر قیلیب، رادیو اهمیتی حقیده تاکید قیلگن.
بو تشکیلات نینگ بیاناتیده کېلیشیچه “رادیو جماعه‌لرنی بیر بیراوی بیلن باغله‌یدی و مشترک توسیق‌لیکلر برابریده تورلی خیل تاووش‌لرنی کوچ‌لنتیره‌دی.”
ایتیش کېره‌ک که افغانستان‌ده اوزاق ییللردن بویان اهالی رادیو آرقه‌لی مملکت و دنیا اوزگریش‌لریدن آگاه بۉلیب کېلماقده دیر.
اخیرگی ییللر ایچیده تلویزیون کاناللری و انترنت چیقیشی بیلن عاموی اخبارات بو واسطه‌سی اهمیتی بیرازگینه آزه‌یگن بۉلسه هم، بیراق هلی هم کۉپلب انسان‌لر اوندن قوللنه‌دی.
