تورک دولتلری تشکیلاتی نینگ اعلام قیلیشیچه، بو تشکیلات چارچوبه‌سیده فعال بۉلگن سرمایه یاتقیزیش صندیغی ایش‌گه باشله‌شی حقیده‌گی کیلیشوو امضالنگن.
دېیرلی بو کیلیشوو اۉتگن کون جمعه، ۲۶ – دلو آذربایجان نینگ باکو شهریده اۉتکزیلگن بیر ییغین‌ده امضالنگن.
ییغین‌ده تورکی دولتلر تشکیلاتیگه اعضا مملکتلردن دولت رسمی‌لری و تدبیرکارلر اشتراک قیلگن.
بو حقده نشر اېتیلگن بیاناتده مذکور کیلیشوو تۉغریسیده ایتیلیشیچه ” بو صندیغ اقتصادی رواجلنیش همده تورک‌لر یشاوچی منطقه‌لرده سرمایه یاتقیزیش زمینه‌لرینی یره‌تیش مقصدیده بیرگه‌لیکده سوداگرلیک و مشارکت‌نی آشیریش اوچون بۉلگن اینتیلیش‌لرنی کوچه‌یتیره‌دی.”
ایتیش کېره‌ک که تورکی دولتلر تشکیلاتی اۉرته‌گه کېلگنیدن بیری، تورک دولتلر آره‌سیده تورلی ساحه‌لر، جمله‌دن سیاسی و اقتصادی ساحه‌لرده همکارلیکلر آشیشی اوچون ایجابی آدیم کوتاریلماقده دیر.
