فاریاب ولایتیدن بۉلگن معلومات‌لرگه کۉره، بو ولایتده اۉتگن کون شنبه، ۲۷ – دلو توش‌دن کیین ایکی ترافیکی حادثه یوز بېرگن.
میمنه شهری و خانچهارباغ اولسواللیگیده یوز بېرگن بو واقعه‌لر عاقبتیده، ۸ کیشی یره‌لنگن.
خانچهارباغ اولسواللیگی نینگ «خواجه قودوق» منطقه‌سیده، ایکی موتر تۉقنه‌شگنی عاقبتیده ایکی عیال شامل آلتی کیشی یره‌لنگن.
شونینگدېک میمنه شهریده هم، بیر موتر سایکل و ریکشا تۉقنه‌شگنی عاقبتیده، ایکی کیشی یره‌لنگن.
ایتیش کېره‌ک که یۉللر بوزوق‌لیگی و ترافیکی قاعده‌لر رعایت اېتیمسلیگی، بوکبی واقعه‌لر یوز بېریشی‌گه باعث بۉلیب کېلماقده دیر.
