بیرلشکن ملتلر تشکیلاتی نینگ افغانستان‌ده‌گی نماینده‌لیگی یا ده «یوناما» افغانستان خصوصی سکتورینی قوللب-قوتلش همده بنگی‌وار ماده‌لرگه قرشی کوره‌ش مساله‌لری خصوصیده بیر ییغین اۉتکزیلگنیدن خبر بېردی.
یوناما تامانیدن بو حقده نشر اېتیلگن بیانات‌گه کۉره، اوشبو ییغین اۉتگن پنجشنبه و جمعه کونلری، آنلاین کۉرینیش‌ده اۉتکزیلگن.
ایتیلیشیچه بو ییغین‌ده، طالبان وکیللری همده افغانستان بۉییچه مملکتلر مخصوص وکیللری و یاردم بیروچی تشکیلاتلر اشتراک قیلگن.
ایتیش کېره‌ک که مذکور ییغین‌ده بحث اېتیلگن موضوع‌لر، افغانستان خصوصیده‌گی دوحه ییغین نینگ اۉتگن دور ییغینی آجنداسی اېدی. بو ییغین‌دن کۉپلب زمان اۉتماقده بۉلسه‌ده، بیراق هلی‌گچه بو تۉغریده ایجابی آدیم‌لر کوتاریلگن اېمس.
