اخیرگی کونلر ایچیده طالبان باش وزیری نینگ اۉزبېک اۉرین باسری مولوی عبدالسلام حنفی، فاریاب، جوزجان و سرپل ولایتلری‌گه باریب، بو حاکمیت تامانیدن مهاجرلرگه اجره‌تیلگن شهرچه‌لر تمل‌تاشینی قویدی.
طالبان بو قراری و بو قرار عبدالسلام حنفی تامانیدن عملگه آشیریلیشی نیچه کون‌دن بیری، اجتماعی صحیفه‌لرده کینگ مناسبت‌لرنی اۉرته‌گه آلیب کېلماقده دیر.
بو تۉغریده مناسبت بیلدیرگن فعاللر، عبدالسلام حنفی‌گه «منقورت» سۉزینی ایشله‌تیب، طالبان بو مقامینی آنه یورت‌نی ساتیش‌گه عیب‌لماقده دیر.
شونینگدېک فعاللردن بیری مسعود تیمور حنفی‌گه خطابا یازیب، اوندن «خدمت قیلالمهیسیز، هیچ بۉلمسه خیانت هم قیلمه‌ین» دېب، طلب قیلگن.
ایتیش کېره‌ک که اخیرگی کونلر ایچیده، طالبان فاریاب‌ده تۉرت مینگ جریب ییر، جوزجان‌ده ایکی مینگ جریب و سرپلده اېسه بیر مینگ و ۲۴۰ جریب ییرنی مهاجرلرگه اجره‌تیب، شهرچه توزاتیلیشینی اعلام قیلدی.
طالبان بو شهرچه‌لرده، پاکستان‌دن ترورچی‌لرنی آلیب کېلیب، تورکستان‌ده جایله‌شتیریلیشی تۉغریسیده خواطرلر بیلدیریلماقده دیر.
