روسیهنینگ افغانستان اوچون مخصوص نمایندهسی ضمیر کابلوف، طالبان تشقی ایشلر وزیری امیرخان متقی بیلن اوچرهشدی.
بو اوچرهشووده ایکّی تامان، سیاسی و اقتصادی همکارلیکلر علاقهلری رواجلهنیشی خصوصیده بحث قیلیشیب، افغانستان و روسیه ارا علاقهلر کېنگهییشی اوستیده تاکیدلشگنلر.
ضمیر کابلوف، روسیه، افغانستان بیلن اقتصادی همکارلیکلر رواجلهنیشی اینیقسه تجارت، انرژی و ترانزیت بۉلیملریده علاقهلر کېنگهییشینی تاکیدلب، قۉشمه لایحهلر و سرمایه اۉتکزیش یۉللری آرقهلی ایکّی اولکه علاقهلر کوچلهنیشینی معلوم قیلدی.
روسیه مخصوص نمایندهسی، طالبان یوقاری مرتبهلی رسمیلری بیلن عین حالده ملاقات اۉتکزماقده، بوندن آلدین روسیه تشقی ایشلر وزیری سرگئی لاوروف، افغانستان برقرارلیگینی منطقه و اۉرته آسیا اوچون اۉته مهم دېب، بو اولکهده ناقرارلیکلر اۉرته آسیاگه تاثیر اۉتکزیشیدن آگاه لنتیرگن اېدی.
